سكريبت بقلم إيمان شلبي
اسكريبت🖤بقلمي إيمان شلبي🖤
-انا خونتك
كنت ساندة راسي علي كتفه،بتفرج علي التلفزيون بشرود
الصمت كان سيد المكان ما بينا كالعادة خلال الفترة الأخيرة،وقتها صوته كسـ,ـر الصمت،بجمله كانت متوقعة تماماً،متصدمتش كعادة اي ست بيتقالها الحقيقة!
رفعت راسي من علي كتفه،اتعدلت في قعدتي ورديت بهدوء مُريب:
-مع مين؟!
اتفاجئ من رد فعلي،سكت شويه،ملامحه اتبدلت من الخوف للصد.مه وهو بيسألني:
-انتِ ايه الهدوء اللي أنتِ فيه ده
بلعت ريقي وانا بسأله بنفس الثبات:
-مجاوبتش علي سؤالي يا يونس
خونتني مع مين؟
-هو ده اللي فارق معاكي خونتك مع مين!
اتنهدت وانا بهز اكتافي بلا مبالاة:
-عايزني اسألك ليه؟
عايزني اتصدم،اعيط،اصرخ،اعمل دراما كوين
هيفيدني بأيه كل ده
-هيفيدك أنك تعرفي السبب!
ابتسمت بسخرية:
-السبب!
وهو في سبب للخي’انه ياحبيبي
رد بعصبية وهو بيهزني من اكتافي:
-ايوه فيه سبب،لما طول الوقت تبقي مكتئبة،لما طول الوقت تعيطي،طول الوقت ساكته،مهمله فيا وفي بيتك وفي نفسك،في شغلك ودراستك،حقي امِل،حقي اتخنق،
حقي ادور علي حد يشيل عني يسمعني،يهتم بيا،يسمعني كلام حلو
قومت وقفت،سقفتله،ابديت اعجابي الشديد بكلامه:
-هايل ياحبيبي دور ضحية هايل يا يونس
مبرر للخي’انه مش معقول
تحب تضيف أي مبررات اخري!!
-انتِ ازاي كده،ازاي قادره تتعاملي بالبرود ده
أنتِ مش طبيعيه بجد
-مش طبيعيه علشان معملتش دور ضحيه زيك مش كدة؟!
-عايزني اعمل ايه،واحد جاي يقولي انا خونتك،لا وبعد كل ده بيديني مبرر خيانته الغير منطقي بالمرة
رد بعيظ وعروقه هتنط من جبينه:
-انتِ أنتِ بني آدمه مش طبيعيه فعلاً
-شكراً طلقني بقي عشان انا ست مجنونة
-ا انت انت طالق يا إيمان
جز فوق أسنانه وبصلي بنرفزة بعدها لف وراح نحية الباب وخرج،رزع الباب،وقتها قلبي اتنـ,ـفض،واتر….ميت علي الكنبه
صحيح انا كنت ثابته،معيطتش،مصر…ختش،منهارتش قدامه،لكن جوايا كان بينهار،جوايا قلبي اتكـ,ـسر مليون حته وانا سامعه اعترافه ليا بالخي’انه،لكن هو مسألش نفسه انا ليه كان رد فعلي بالشكل ده،محاولش يسترجع
كام مرة جه بنفس الطريقه ونفس الثبات قالي “انا خو……نتك”
فاكرة اول مرة كان احساسي عامل ازاي،عارفين احساس
في عز الأمان راح مني الأمان!
في عز مانا متطمنة،مأمنة علي نفسي،مش خايفه من الغدر جاتلي الطعنه ومن وقتها وانا فاقده احساسي بكل شيئ
