زواج تحت التهديد بقلم اسراء محمود
هيكون النسب تم.والعيال هيكونوا معانا وبكده بجيوا من دارنا ومحدش هيقدر يلمس شعره منهم .وكمان نكون ماحرمناش العيال من امهم ولاأبوهم اللى اكيد هنخليهم يزوروه.عيسى بصدمه: طيب واحنا ندخل واحده دارنا وإحنا منعرفش عنها شئ مايمكن نكون بنبلى نفسنا بيها.مهران: لا من الناحية دى اطمن أنى أتوكدت من سيرتها كويس جوى.وعرفت أصلها وفصلها وواطمنت وأتاكدت إنى هى دى اللى تنفع تدخل دارنا وتعيش وسطنا.عيسى:وليه أنى ياأبوى انت عارف غضبى وكمان رأى في الموضوع ده.مهران:انت لازم تتجوز وأشوف عيالك جبل ماأموت ياولدى.عيسى:بعد الشر عنك ياأبوى.مهران:وانت عشان أنى عارف ومتوكد ٱنك الوحيد اللي أقدر آمنه على البنيه دى وأولادها.وتحميهم.عبسى:بس ياأبوى.مهران:بص ياعيسى فكر ياولدى.البنت زينه ومحترمه وكل ده أنى متوكد منه وفوق ده زينه أيوه معاها عيال بس زينه وصغيره.فكر ورد على.بس بسرعه عشان الحق اشوف هعمل ايه يا ولدي.مسك عيسى يد أبيه وقبلها وقبل رأسه وقال:كيف ماتحب ياأبوى ومفيش فكر أنى موافج.اللى تجوله سيف علي رقبتى واجب التنفيذ.مهران:ربنا يرضى عليك يا ولدي.يبقى خلاص نادم على أمك وأخواتك عشان يعرفوا بالخبر ده.عيسى:واه ياأبوى بس أمى هتجبل.مهران:أمك موافجه عليه وشريكتى فيه كمان.عيسى:واه.وسكت شويه وقال كيف ماتحب.مهران:نادم عليهم عشان يعرفوا القرار ونفذوا قبل ماحد يعمل حاجه نندم عليها كلنا.أومأ له عيسى رأسه دليل على الموافقة.
(زواج تحت التهديد بقلمى إسراء محمود لا اله الا الله وحده لا شريك له له الملك وله الحمد وهو على كل شيء قدير وسبحان الله والحمد لله ولا اله الا الله والله اكبر ولا حول ولا قوه الا بالله العلي العظيم)
نادى عيسى على الشغاله.عيسى:بت يابدور انتى يابت.هرولت إليه تلك الفتاه.بدور:نعم جنابك.عيسى:اطلعى نادم على سيدك يونس وستك ورد وستك صفا.وجولى ليهم كلموا الحج مهران فى المكتب دلوق حالا انجرى بسرعه.الخادمه وهى تهرول حاضر حاضر جنابك ياكبير وصعد هو لامه كى يناديها.وماهى إلا دقائق معدودة حتى اجتمع الجميع عند والدهم.وقبلوا يد امهم ورأسها ويد والدهم.مهران:فى شئ مهم لازم تعرفوا ويهمنى اعرف رأيكم.الجميع .اتفضل يأابوي.حكى لهم مهران عما حدث معهم من وقت معرفته بأمر ذلك الفيديو حتى وصل إلى قراره .وهيبه كان ظاهر بعض الحزن على وجهها مما سمعت من محتوى الفيديو.عيسى وهو يقبل رأسها:مالك بس ياأمى ليه الحزن ده .وهيبه:ده ولدى حته من روحى لازم احزن عليه
