جنة الياسين بقلم اسراء هاني شوبيخ
تنحنحت بخجل وهمست ” أنا هأروح امتى ”
ضحك بهدوء وأجاب ” اوام زهقتي مننا ”
صوته ونظراته تخجلها بشدة تحاول التماسك لكن عينيه تفقدها صوابها هزت رأسها بالنفي ليهمس بجدية ” تجبي نعمل تقرير بالحالة ”
نظرت له بقلق ليكمل هو يطمئنها ” أنا جمبك يا دلال بس لازم تساعديني انتي عايزة تكملي مع شريف ”
اجابات بسرعة ” لا ”
نزلت اجاباتها على قلبه أنعشته ليبتسم بسعادة شديدة ” طيب ينفع تثقي فيا ”
نظرت له بتوجس ليقول بابتسامه ” مساعدتي ليكي مش هيكون معناها انك ملزمة بأي حاجة يا دلال ولا اني مستني منك حاجة انا هاساعدك الأول وبعدين كل شئ بوقته حلو بس انا مش هتنازل عن حقي تاني ”
كان كلامه واضح وأنه يقصدها هيا دق قلبها لدرجة أنها ايقنت انه يسمع توردت وجنتيها جعلتها جميلة جدا ابتسم وهمس ” هأخرج واسيبك ترتاحي انا في الغرفة اللي جمبي احتاجتي اي حاجة اضغطي الزرار ده ”
خرج وعلى وجهه أجمل ابتسامة فقد نسي كيفية الابتسامة منذ سنوات لم تزوره ..
نامت قليلا لتستيقظ على لمسات احد يقبل يدها بلهفة وهو يبكي بشدة بعد أن كانت لمسات حنونة أصبحت تشعر بالنفور منها سحبت يدها وقالت بجفاء ” خلصت دموع وتمثيل اتفضل اخرج برة ”
هز رأسه وقال وقال بندم وخزي ” انا مش قادر اصدق اني قت.لت ابني عشان خاطري سامحيني هأطلق مريم ونسافر ونتابع موضوع حملك وربنا هيكرمنا تاني وهعوضك ”
ضحكت بقوة وقالت بقرف ” تعرف اني بحمد ربنا مليون مرة اني أجهضت ”
نظر لها بذهول لتهز رأسها تؤكد على كلامها وتابعت ” ايوة عشان ما أخلفش منك ويبقى في شئ يربطني فيك لاني لو على جثتي مش هأكمل معاك ”
ابتلع ريقه بتوجس وقال بقلق ” يعني ايه ”
دلال بجدية وحسم ” يعني يا تتطلقني بهدوء يا اما هخلعك ”
جن جنونه وانقض عليها كوحش مفترس وقال وهو يهزها بقوة ” تبقي بتحلمي يا دلال انتي مراتي لآخر يوم في عمري ومش هطلقك لو تعملي ايه ”
كان يهزها كالمجنون بقوة عندما دق مراد الباب وفتحه وتفاجأ به ليهجم عليه كالمجنون يلكمه بقسوة غل سنوات طويلة ختمها بفعلته هذه وهيا تشاهد ما يحدث وتبكي بشدة ..
نظر شريف وهو يمسح دمه وقال بغيرة عمياء ” عشان كدة عايزة تتطلقي عايزة ترجعي أمجاد الماضي يا بنت عمتي ”
صرخت به وقالت باشمئزاز ” انا اشرف منك ومن مليون زيك انت اللي مريض وعايز كل حاجة روح لمراتك اللي ضربتني عشانها وخسرت ابننا بسببها “
