حبيبي المجهول بقلم زهرة الربيع
اما ذياد ابتسم لأمه بسعاده وخبث
واخدو مراد على الحجز وهو مصدوم ومش مصدق خالص اللي حصل ومجاش في باله ان زياد يكون له ايد في الموضوع ده
وعدت الايام وكانو بيجدد له الحجز ومفيش ادله تثبت براءته والبنت مصره ان هو الفاعل
مراد كان قاعد في الحجز وهو بيفتكر كل دقيقه معاها ودموعه بتنزل بصمت لاول مره في حياته وبيتمنى لو يشوفها مره واحده …بس مكانتشى بتزوره ابدا
اما اميره كانت من اول يوم اخذت هدومها وراحت عند اهلها كانت قاعده في الاوضه ماسكه صورته ودموعها بتنزل بحزن شديد والم
مرت الايام ومقدرش يثبت اي حاجه
كان واقف هو وأخوه قدام الضابط في مكتبه وهيترحل على المحكمه بس جيه واحد من العساكر وقال….. حضرتك في بنت بره وبتقول انها تعرف حاجه عن القضيه
الضابط قال ….دخلها يا ابني
دخلت و مراده اتصدم بشده لما لقاها اميره وقال بدهشه…اميره
اميره ابتسمتله وطلعت بطاقتها للضابط وقالت…. انا اميره حسن مرات مراد بيه وعرفت حاجه مهمه عن القضيه
الضابط سمح لها تقول
ومراد اتصدم لما قالت ….حضرتك انا قابلت البنت المدعيه وبصت لزياد اللي ملامحه بهتت جدا وقالت …وهي قالت كلام غير اللي قالته هنا….. اسمعها حضرتك
دخلت البنت وقالت بارتباك ….حضرتك انا اخذت فلوس علشان اقول كده واعترفت على زياد…. ان هو اللي عمل كده
زياد بقى يزعق ويقول …..انتي كذابه دي جايه توقعنا في بعض وخلاص صدقوني دي بت كدابه
بس البنت طلعت تسجيل لزياد وهو بيتفق معاها وقالت ….حضرتك ده إثبات
زياد كان هيقع من طوله والضابط سمع التسجيل واتأكد من برائه مراد و نادى لواحد من العساكر ياخدوها هي وزياد
بس مراد قال بسرعه ….حضرتك سيبهم انا متنازل
زياد بصلو باستغراب ودموع وهو ابتسم بسخريه وقال… زياد اخويا الصغير وهو اكيد ما يعرفش معنى اللي بيعملوا فيا ده ..ميعرفش يغني ايه اخ اصلا
زياد نزل عيونه في الارض واميره مسكت ايد مراد وطلعت معاه بعد ما اخد افراج
اول ما طلعو مراد بص لها بدموع وقبل ما تتكلم شدها لحضنه بقوه وبقى يحضنها بكل قوته وبيشبع من وجودها معاه و قال بدموع وحشتيني يا مجنونه..وحشتيني اوي ليه عملتي فيا كده …ده انا حسيت زي ما اكون مسجون بقا لي سنه ليه سبتيني كل المده دي..ليه تبقي انتي والدنيا عليا
