في هواها متيم بقلم سماح نجيب
فألتقطت سكرتيرته أنفاسها تحدث زميلتها فى العمل قائلة بتأفف :
–:” أوووووف يا ستير يارب على وقفة كل يوم دى دا تحسى ان الواحد أعصابه مشدودة ونفسه مكتوم لو كان أتاخر شوية فى دخول مكتبه كان هيغمى عليا ”
تبسمت صديقتها وهى فتاة تدعى نسرين وقالت :
–:” مش عارفة لما يدخل المكان تحسى ان المكان بقى ضيق كده ليه مع ان الشركة كبيرة بس وجوده فى اى مكان بيحسسك ان المكان بقى ضيق ومفيش هوا علشان نتنفس ولما يعلى صوته بحس أن شوية وهيجيلى طرش”
ضحكت بسمة بخفوت على قول نسرين فقالت بإعجاب ظاهر :
–:” بس الصراحة هو كاريزما أووووى وحلو كده يخرب بيت الميكس الغريب اللى هو فيه ده”
شهقت نسرين قائلة بتحذير :
– :” أنتى اتهبلتى ولا إيه يا بسمة لو خطيبك سمعك هيعلقك من ودانك”
رفعت بسمة شفتها العليا وهى تقول :
–:” يا اختى اتنيلى على عينك ما انتى كمان عينك من مالك اخوه ودايبة فى أهله ”
بسماع قول بسمة ، تغشى الحزن عينى نسرين ، فقالت بغصة قوية :
–:” خلاص بقى يا بسمة مالك خطب وهيتجوز”
قالت بسمة وهى تزفر بسخط :
–:” اه البت الرخمة أنثى اليربوع دى اللى إسمها ماهيتاب الشريف”
تبسمت نسرين بألم قائلة :
–:” بت رخمة ! انتى مش عارفة هى تبقى بنت مين يا بسمة”
رفعت بسمة يدها تشير بها بعدم إكتراث :
–:” علشان يعنى ابوها راجل غنى وواصل وإيه يعنى طظ فيها هى وأبوها كمان”
أشارت لها نسرين بالصمت قائلة :
– :” طب اكتمى بقى متجبيش لينا مصيبة على الصبح واحنا لسه فى اول اليوم لمستر رفيق يسمعك وهتلاقيه مدينا ورق الرفد فى ايدنا واحنا ما صدقنا نشتغل ونلاقى شركة كويسة فحافظى بقى على لقمة عيشنا الله يباركلك”
أماءت بسمة برأسها وقالت :
– :” أه أحسن ده مبيتفاهمش كلمة ورد غطاها معندوش يا أما ارحمينى مبيعملش خاطر لحد ابدًا أعوذ بالله”
–:” يعنى هو وصل للنجاح ده كله بعرق جبينه ، وهيسمح لحد أنه يعطله دا يرفد واحد يعين عشرة مكانه”
قالت نسرين عبارتها وحملقت بالورق بين يديها ، وهى الأوراق الخاصة بمشروعات البناء ، التى يعمل مالك على تنفيذها ، فرفيق يعمل على شراء الأراضى الصالحة للبناء ، على أن يقوم مالك بتصميم عصري جديد للبنايات السكنية ، فالشركة مختصة بأعمال البناء وشراء الأراضي
هتفت بها بسمة بإشادة بأخلاق رفيق :
–:” بس تصدقى برضه عمره ما جه على ضعيف أو غلبان أو إستقوى على حد هو بس عملى وجد زيادة عن اللزوم”
