في هواها متيم بقلم سماح نجيب
إستدار رفيق برأسه لها وقال :
-:” دا احلى صباح فى الدنيا دى كلها”
ربتت منى على ظهره وهى تدعو له :
– :” حبيبى تسلملى يارب وربنا يرزقك من رزقه الواسع”
أجابها رفيق بإمتنان لدعاءها :
:” تسلملى دعواتك الحلوة دى يا أمى”
-:” على ما تخلص هروح اشوف مالك ورهف”
قالتها والدته قبل خروجها من الغرفة ، فما كان منه سوى أن أجابها قائلاً :
-:” ماشى يا أمى”
خرجت منى من غرفة ابنها الأكبر ، وولجت إلى غرفة أبنها الثانى ، وهو شاب فى الرابعة والعشرين من عمره ، أنهى تحصيله الدراسى بكلية الهندسة ، ويعمل مع شقيقه
أقتربت منى من الفراش ووكزت مالك برفق :
-:” صباح الخير يا مالك”
فرك مالك عينيه وهو يتثائب فرد قائلاً :
-:” صباح الجمال والحلاوة يا منمن ايه ده قمر يا ناس جاى يصحينى”
لوت منى فمها وهى تقول :
-:” بطل بكش يا واد أنت بقى ”
ترك مالك مكانه وأقترب منها يقبلها على وجنتها وقال :
-:” طب لو أنا بطلت بكش مين يبقى بكاش بقى يا منمن إحنا بناكل عيش من ورا البكش ده”
ضربته والدته بخفة على ذراعه وهى تقول :
-:” بتاكل عيش من البكش ماشى يا سى مالك”
نظر مالك حوله كأنه يبحث عن شئ ، فهتف بها :
-:” قوليلى الكبير صحى”
أماءت منى برأسها وهى تقول :
-:” اكيد طبعا دا بيصحى قبلنا كلنا”
ضرب مالك جبهته ، كأنه تذكر شيئاً فقال :
-:” اه صحيح ايه السؤال الغبى اللى بسأله ده دا هو كمان اللى بيجى يدلق عليا ازازة ماية وأنا نايم علشان يصحينى بقولك ايه يا ماما أنتوا تخفوا كل أزايز الماية من البيت بلاش غارقة كل يوم دى”
ضحكت منى بقوة على حديث مالك :
-:” ما أنت اللى نومك تقيل وأحمد ربنا إن أنا اللى جيت اصحيك وأحب اقولك برضه رفيق خلص لبس ولو مقومتش كمان شوية هتلاقيه جايلك”
قفز مالك مكانه وهو يقول :
-:” يا نهارى دا ممكن يجى يجرجرى من الاوضة باللبس ده وشكلى هيبقى عار”
قال مالك عبارته ، و بلمح البصر كان فى المرحاض ، ليسرع بإنتهاء إغتساله ، قبل أن يرتدى ثيابه ، ويجد شقيقه الأكبر رفيق فى غرفته ، يأخذه بأى ثياب يرتديها
ابتسمت منى على تصرفات أبنها ، فهو بالرغم من حبه الشديد لأخيه ، إلا أنه يخاف منه بشدة ،فخرجت من غرفة مالك ، متجهة إلى غرفة إبنتها الصغرى ، أو كما يطلقون عليها ، مدللة المنزل او مدللة أخيها
